Kunati merr mesazhin e Lefterit të Beratit

Lefteri i Beratit, i mërzitur që Luli e shiti për njërin që i ka detyrime Fatja që nga viti 1999 kur bëri burg në Itali, vendosi t’i shkruajë një letër Kunatit që t’ia dorëzonte Lulit.

Në letër rreshtoi arsyet dhe faktet, përse atij i takonte Berati dhe pse nuk ia dhanë:

“I dashur Kunat!

Tani që procesi mbaroi dhe ju më shmangët mua nga kandidimi, dua të flasë hapur dhe pa modesti për veten time. Unë jam Lefteri i Beratit, që më njeh gjithë rrethi, se kam drejtuar komunën më të madhe në vend. Sa isha unë kryetar, ajo komunë jo vetëm lulëzoi nga investimet, drekat dhe darkat që shtroja, por ka detyruar kryeministrin e nderuar Sali Berisha, të vijë aty e të flasë për pjeshkët e Shqipërisë. Ju të gjithë e mbani mend vizitën e Saliut dhe fjalimin e tij për pjeshkët tona, që populli e përjetësoi në vargje:

 O Sali, o zog në Bjeshkë

Më në fund pe dhe ti pjeshkë

O Sali, o zog në Mal

Më në fund u ndjeve djalë

O Sali, o zog në fushë

Më në fund mendja tu mbush

Të mbjellim pjeshkë dhe jo rrush

 Pas kësaj kënge që lindi në komunën time, Saliu dha sinjalin e fillimit të arroreve dhe pjeshkoreve në gjithë Shqipërinë. Pa parë pjeshkët e mia, ai s’e kishte atë ide.

Nga ana tjetër populli i zonës sime, që e respektonte Saliun si sytë e ballit, kur kërkoi kandidimin tim për deputet, thirri përsëri Saliun dhe ia kërkoi me këngë kandidimin. Besoj ti e mban mend këngën që këndoi grupi i fshatit duke pritur Doktorin:

O Sali tu bëfshim ferrë

Merr pushtetin dhe një herë

Krah më krah me Lefterë…

Pas kësaj Saliu qau, fshiu lotët dhe më tha, “do jesh deputet”.

Kur ju zoti Kunat i ratë me shkelm gjithë vlerësimeve që më ka bërë mua Doktori dhe më shkëmbyet me dikë, që do të qetësojë Fate Mediun për hallet që kanë pas bashkë.

Por ta dish se unë nuk jam tip mosmirënjohës. Përkundrazi, sa më keq të silleni, aq më shumë do t’ju dua. Vetëm ta dini për veten tuaj, se dhe për ju kisha përgatitur një takim tek pjeshkët dhe fshatarët kishin gati këngën për Lulin ku thuhej:

O Lulzim, o djal i ri

Bëj siç thotë zoti Sali

Bota do të ketë zili,

Lulzim o yll që shndrrin

Fillo e bë historinë

Vërë Lefterin për Bashkinë

Me këtë këngë e kisha llogaritur që e kisha të sigurtë, por ti ma dhjeve, i caktove më parë.

Sidoqoftë unë do të të respektoj dhe do të të mbështes në inciativat tuaja, qoftë dhe kundër meje.

I juaji, Lefteri

10 arsyet e Batonit, pse duhet një grua për Tiranën  

19:47 Antena

Nishani, leksion për të fiksuar festat fetare

21:26 Antena

Shoku Enver i shkruan Edi Ramës për dekriminalizimin

19:12 Antena

Një vizionar po burgoset, për shkak të zilisë që ka ngjallur suksesi i tij

19:58 Antena

Kunati konsultohet me Nanon për padinë e 21 Janarit

20:27 Antena

Kunati formulon dhjetë urdhëresat e Lulit për Marinzën

21:27 Antena

Sihariq i "bankierëve" për popullin shqiptar

20:19 Antena

Kryesia e fshatit L...falenderon deputetin 2K

20:28 Antena

Kunati urdhëron vjedhjen e biçikletës së Sazanit

19:26 Antena

Kunati heton protestuesin, që prishi mitingun e Vlorës

20:10 Antena