Kunati konsultohet me Nanon për padinë e 21 Janarit

Padia për 21 Janarin i erdhi papritur Kunatit. Edhe pse e kishte pyetur disa herë Lulin a kishte dhënë urdhëra, ai i kishte thënë “rri i qetë, se gjithçka është në rregull”.

Tani del që Luli ka marrë në telefon nga zyra e Doktorit policinë dhe i ka thënë ngrini helikopterin dhe hidhni lëndë helmuese tek Piramida.

Sipas ligjit, ministri nuk ka të drejtën e dhënies së urdhërave për policinë kur ajo është në aksion, pasi drejtohet nga kryepolici dhe nga komandanti i Gardës.

I dëshpëruar se kjo mund të entuziasmonte kundërshtarët e Lulit në PD, Kunati vendosi ta përdorë këtë nga e kundërta.

-Këtë duhet ta përdorim si një rast për t’u konsoliduar Luli në PD, tha Kunati.

I vetmi njeri që iu kujtua në atë çast ishte Fatos Nano.

E mori atë në telefon dhe i shpjegoi situatën.

-Ah, paska fat ai djalë, tha Nano. E kam pas vënë re kur ishte ministër që i rregullonte burgjet, por nuk e dija që ishte kaq largpamës.

Tani dëgjo disa këshilla nga unë.

E para, mos lër gruan e tij të jetë korriere, se do të bëjë lëmsh Kryesinë, po mbaje vet korrespondencën. Aq më mirë po e çuan në Tepelenë, se ti je dhe nga ajo anë.

E dyta, kujdes se do t’i dalë kundër Ristani, siç më doli mua Ilir Meta. Kontrollojeni që tani situatën dhe shmangeni nga Kryesia, si të kriminalizuar. Ristani dhe Grida, që janë me dosje mashtrimi, mund ta tradhtojnë Lulin që të shpëtojnë dosjet e tyre, ndaj duhen hequr nga Kryesia.

E treta, shiko mirë nënkryetarët, se ju dhe i keni shtuar. Ata, mund të vijë një kohë dhe të bëhen bllok kundër Lulit. Këtu duhet të kesh kujdes t’i mbash me shpresa të gjithë, kur të riktheheni në pushtet.

Pika kyçe ngelet Doktori. Kur hyra unë në burg, Doktori thoshte lartë e poshtë që nuk më ka futur ai, po Ramiz Alia. Unë nuk është se e besoja, po kisha qejf që të thoshte kështu, se më dukej sikur kishte frikë. Dhe ky Ed Rama ka për të hapur fjalë që nuk po e fut ai në burg, po Doktori. Përdoreni këtë rrethanë të paktën për të hequr qafe Doktorin.

I thoni qartë dhe shkoqur: Ti na fute Lulin në burg, ti nuk bëre asnjë ditë burg për 24 vjet pushtet, tani të paktën na lërë të gëzojmë frytet e burgut.

Kujdes kur të jeni në burg. Kontrolloja vizitorët, sidomos femrat. Ka shumë femra që bëjnë si militante dhe duan të vijnë të të takojnë në qeli. Mos ia lër të gjitha, seleksionoja.

Kur të vijë puna tek Kongresi i jashtëzakonshëm që do diskutohet ta heqin Lulin apo jo, Rama do trembi Ben Ristanin dhe ai do iki nga Shqipëria. Grida po ashtu do fshihet. Prandaj mbështetuni fort tek Ed Halimi, se ai më duket njeri besnik.

Këshilla e fundit që do të jap, është kur të dali. Mua më kapi një dashuri e paparë për Saliun, që nuk më ka ikur akoma. I vetmi rrezik është që dhe Lulin ta kapë dashuria për Edin. Po ndodhi, kjo morët fund. Përpiquni ta kontrolloni vetë.

Unë s’e kontrollova dot dhe ja si jam katandis. Sa herë i duhem Doktorit, dal në publik. Nuk e përballoj dot dëshirën e tij. Kjo quhet sindroma e Stokholmit. Ishalla nuk të kap ndonjë sidromë e tillë, se do ta kesh keq. Më mirë të të kap sindroma e Amsterdamit, se ajo me drita të kuqe është dhe ai në burg është.

Kaq mund të të them unë nga përvoja ime.

-Faleminderit shumë, i tha Kunai. D.m.th tani jemi të fituar përfundimisht?

-Po po patjetër, i tha Nano. Tani e fituat lojën, vetëm duhet të bëni dhe burgun.

Kunati formulon dhjetë urdhëresat e Lulit për Marinzën

21:27 Antena

Sihariq i "bankierëve" për popullin shqiptar

20:19 Antena

Kryesia e fshatit L...falenderon deputetin 2K

20:28 Antena

Kunati urdhëron vjedhjen e biçikletës së Sazanit

19:26 Antena

Kunati heton protestuesin, që prishi mitingun e Vlorës

20:10 Antena

Kunati heton për një Q7 të re të Faros në Durrës

20:35 Antena

Kunati bën profilin e kandidatëve të Tiranës

20:40 Antena

Kunati shpall armik të opozitës, Kunatin e Gonit

19:52 Antena

Kunati sqaron përse PD ka refuzuar koalicionin me partitë e vogla

19:25 Antena

Kunati sqaron Faten për garën e Durrësit

19:02 Antena