Te fundit
Episode nga dita e sotme e fushatës dhe halli i Nishanit
17 Qershor 2015, 19:28Antena
TEMA
Si e sabotoi demokrati Thërmia debatin e Grigjës me Gjushin
Grigjës po i kthehet në problem mospërballja me Dakon. Dje në Top Channel Grigja i dha fjalën që do të shkonte, por në orën 18:00 iu kthye mendja. Dhe gjithë sherrin e solli demokrati Thërmia.
Para se Grigja të nisej për Tiranë, demokrati Thërmia shkoi tek klubi i partisë dhe takoi Asmonin.
-Kemi debat sonte, i tha Asmoni, do ta shkatërrojë Grigja, Gjushin.
-Mezi po pres, i tha demokrati Thërmia, se ky Gjushi ka gjithë ditën që filmon pallatet e Grigjës dhe nxjerr lejet e ndërtimit që i ka dhënë Grigjës nga arkiva.
-Po ça të keqe ka që ka bë pallate, tha Asmoni? Dhe Luli bëri pallat në Vlorë. Ne jemi parti e kapitalizmit, s’kemi komplekse.
-Jo mo se ka atje Gjushi, tha Thërmia. Por, do t’u thotë njerëzve, që kjo ka 10 vjet s’ka mbaruar tre pallatet e saj, jo të mbarojë punët e Bashkisë.
Kaq i duhej Asmonit dhe ia raporton menjëherë Grigjës. Kjo e fundit ishte duke ikur për Tiranë dhe u detyrua të kthehet nga rruga.
Bujar Nishani nuk sajon dot një këngë me çifteli
“Ansambli Mirdita” u dekorua nga presidenti dhe i shkoi për vizitë në Presidencë. I entuziasmuar nga veglat muzikore, Nishani u çua dhe mori një çifteli në dorë dhe tentoi t’u bjerë telave.
-A do me këndu ndonjë këngë për ty, i tha rapsodi?
-A keni ndonjë këngë për Sali Berishën, e pyeti Nishani?
-Jo nuk kemi, po s’ka problem, i tha rapsodi. Përshtasim ndonjë këngë të vjetër për heronj.
-Jo këngë heronjsh, jo, i tha Nishani, se ata në fund vdesin. Ndonjë gjë më me shpresë.
-Po mirë, të përshtatim ndonjë këngë dashurie, i tha rapsodi, me çika të reja.
-Jo se i prish punë Gridës në fushatë, tha Nishani, po ndonjë gjë tjetër më serioze.
-Atëherë po i përshtasim ndonjë këngë të shokut Enver, i tha rapsodi. Unë i kam pas këndu dhe ato atëherë.
-Jo të shokut Enver, tha Nishani, se ngatërrohen njerëzit e padashje e këndojnë me emrin e tij.
-Or zoti president, i tha rapsodi! Po sikur t’i këndojmë që të bëri ty president në shenjë mirënjohje?
-Jo, jo se është e rrezikshme, i tha Bujari, t’ia kujtosh tani që unë jam president dhe ai pa punë.
Video e Qazimit dhe video e Ardianit
Qazimi i Elbasanit më në fund shpjegoi se deklarata e tij nuk kishte të bënte me fushatën elektorale, por me një vit më parë kur i kishte dhënë këshilla një gazetari, pronari i të cilit mbron më shumë shtetin sesa gazetarin.
-Po kur është bë tamam, tamam, e pyeti një gazetar?
-Po ça me të thënë lala kur është bë tamam. Atëherë mo kur bëmë dhe ne videon e atij Turkut.
-Po pse ça ka video e Turkut, këmbënguli gazetari?
-Asgjë me jahu, dhe ai i qan hall sekretares se mos sillet keq duke u tregu kokëfortë dhe e pushojnë nga puna.
2 komente në “Episode nga dita e sotme e fushatës dhe halli i Nishanit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mero je si Espinoza i filmit Oktapodi…
Hahaha kjo baxhella Grigja qe ja jep plakut dihet tashme,por edhe plakut doktor hahahahaha…po ajo ta mban “veglen” lart.Cfar neverie qe esht.