Reagime të politikanëve për spotin e Lulit duke fjetur

Lulzim Basha: Ky është një manipulim i dyshes Rama-Meta. Ata ëndërrojnë që unë të fle gjumë dhe ata të vjedhin rehat, por ta dijnë mirë se uji fle, por hasmi nuk fle. E gjithë është një lojë taktike e menduar mirë e opozitës, që të shkujdeset pushteti dhe t’i kapë në gabime.

Kush mendon se unë kur shtrihem e mbyll sytë fle, gabon rëndë. Pikërisht atëherë kur mbyll sytë, mua më shfaqet para vizioni im për Tiranën dhe më qëndron para syve deri në mëngjes sa zgjohem.

Sali Berisha: Videoja është e manipulume. Nga sekonda 22 deri në sekondën 24 kanë futur tinguj akustik të jashtëm, që nuk i përkasin personazhit në fjalë. Të gjithë këtë e bëjnë për ta implikuar atë në një skenar ogurzi të vjedhjes së votave, duke e arsyetuar me gjumin e tij.

Partia Demokratike do t’i japë përgjigjen e merituar më 21 Janar, kur pikërisht do zgjohet jo vetëm lideri i saj, por gjithë elektorati.

Edi Rama: Tani e kuptova pse e prishi zyrën time në Bashki, se unë s’kisha vënë kolltuk tresh aty, kisha vetëm kolltuqe tek. S’më kishte shkuar në mendje kjo puna e gjumit.

Ilir Meta: Unë nuk shoh  ndonjë gjë të keqe kur fle Luli. Mendoj se dhe aq probleme sa ka krijuar, i ka krijuar kur zgjohet, kështu që iu ftoj ta trajtojmë me qetësi dhe dashuri dhe të mos e zgjojmë.

Jozefina Topalli: Me thanë të drejtën ma është dhimb ai djalë. Ai më shumë gjumë flen kur asht zgjuar, sesa kur është shtrirë për gjumë. Ashtu si lëvizte e si gërrhiste, mu dhimb vërtetë. Kur e shof në zyrë të PD-së në karrige, më duket sikur flen si qingj.

Genc Ruli: Mua më duket korrekte që ai përdor disa nga orenditë e zyrës. Tavolinën s’e ka përdor, kompjuterin s’e ka përdor, karrigen ia ka përdorur Kunati. Të paktën ka përdorur kolltukun në mënyrën më të ndershme. Ne të tjerët dhe atë e përdorim dyshe.

Doktor Halimi: Në atë pozicion që ishte shtrirë dhe nga mënyra si lëvizte, ngjante me një grua që e kishin zënë dhimbjet dhe për një moment harrova që Luli nuk është grua.

Kunati analizon spotin për gjumin e Lulit dhe kundërpërgjigjet

22:01 Antena

Tri mesazhet e reja që ka dashur të thotë Doktor Halimi

19:25 Antena

Demokrati Thërmia qetëson Grigjën për sondazhin

20:02 Antena

Misioni i fundit i Fevzos tek Boko Haram dhe Blatter

20:02 Antena

Reagime të egra nga Familja, për kalin, qenin dhe tre macet

19:48 Antena

Kunati i kërcënuar nga lista e dekriminalizimit

20:58 Antena

Gjithë skenarët si u ngatërrua Doktori me këngën e Internacionales

19:59 Antena

Kunati i shqetësuar nga pretendimet e Zenit

19:40 Antena

Hetimet serioze të Kunatit, përgënjeshtrojnë lajmin për të pasmet e Grigjës

20:35 Antena

Zeni refuzon të çojë kalin, tre macet dhe qenin në Suedi

19:51 Antena