Si komentohet në Tiranë rrëzimi i avionit rus

Pas lajmit tronditës se aviacioni turk rrëzoi një avion rus, në një pozicion të diskutueshëm ajror në kufirin turko- sirian, në Tiranë pati shumë komente dhe qëndrime rreth kësaj çështje.

I pari që bëri komentin e tij me këtë rast ishte Fevzo, i cili njoftoi se lufta e tretë botërore ishte 30 sekonda larg, sikur ai të mos kishte telefonuar menjëherë presidentin francez që t’i tërhiqte vemendjen Erdoganit, që të mos bënte deklarata deri në mbrëmje, sa të ftoheshin gjakrat. Presidenti francez e kishte dëgjuar këshillën dhe i kishte telefonuar Erdoganit, por ky i fundit donte të dinte se nga kush vinte porosia. Presidenti francez e kishte mbajtur sekret dhe i kishte lënë të kuptohej që vinte nga një mik personal i Obamës.

Analisti Çim Peka e shikonte këtë ngjarje si një shenjë fitoreje për opozitën, pasi dy gazeta të rëndësishme, TemA dhe Shekulli, kishin disa ditë që kishin botuar shumë lajme për bombardimet ruse. Sipas tij, bombardimi i avionit rus u bë për t’i treguar medias shqiptare, se Rusia nuk ka asnjë rëndësi në këtë luftë. Këtë e provoi dhe deklarata e Putinit, që tha se “Turqia i kishte ngulur thikën pas shpine Rusisë”, një shprehje që Doktori e përdor për tradhtarët në PD.

Analisti Ilir Bababaramo, e shikon bombardimin si një fillim të qartë të luftës së tretë botërore, dhe për këtë arsye ai ndjehet i gjymtuar nga kjo luftë. Ishte kjo arsyeja që ai kishte parkuar dhe veturën e tij, tek një vend i rezervuar për invalidët, por që Policia Bashkiake i kishte bllokuar gomat e veturës. “Ne ndjehemi të gjithë të bombarduar, tha ai, dhe natyrisht si të tillë do parkojmë tek vendi i invalidëve. Vetëm Erion Veliaj nuk e kupton që jemi në luftë”.

Analisti Artur Zheki e shikon bombardimin e avionit rus si një përgjigje e merituar ndaj tangërllëkut të Putinit, i cili ngatërron Krimenë me Turqinë dhe futet si në shtëpi të vet. Por, nga ana tjetër, shton ai, duhet të dijmë nëse Turqia e ka bërë me kokë të vet apo në konsultë me NATO-n. Kjo ka rëndësi për të kuptuar se me kë të bëhemi në fund të fundit.

Analisti Lorenc Vangjeli tha se e vetmja mënyrë që të bindemi kush është fajtor, është që Turqia të bëjë transparencën e saj dhe të deklarojë fondet që po harxhon në luftë dhe nëse rekruton ushtarë me pagesë. Vetëm pas kësaj transparence, ajo mund të vihet në pozita favorizuese ndaj Rusisë, e cila mban sekret çdo gjë.

Gazeta TemA vendosi të mbajë një qëndrim për këtë çështje tek rubrika “Antena”, pasi ajo është e bindur që qëndrimet serioze nga Tirana për konfliktin turko- siriano- sovjetik, nuk merren seriozisht nga Perëndimi, nëse nuk reagon Aldo Bumçi, Spartak Ngjela, Tritan Shehu dhe Agim Neshua, ose Gimi i Puros, siç e njohim të gjithë.

Kunati hidhet në sulm pas problemeve me ujin në Bovillë

19:44 Antena

Ja tetë vendet ku dështuan sulmet e ISIS në Tiranë

19:06 Antena

Fevzo njofton për vendet dhe personat e rrezikuar nga terrorizmi në Tiranë

21:44 Antena

Kunati debaton i lehtësuar për heqjen e testit të drogës

21:21 Antena

Pse deputeti “Kaubojs” hoqi dorë nga makina e Al Paçinos

20:20 Antena

10 vajza nga Kosova i kërkojnë ndihmë Fevzos

18:59 Antena

Si e pritën politikanët “Alarmi”-n për bomb tek Xhamia

20:57 Antena

Supermbesa arrin fitoren e parë në PD

20:36 Antena

Doktori proteston për kërcënimet e ISIS ndaj Saimirit

19:09 Antena

Kunati në kërkim të ministrave të korruptuar

20:18 Antena