Fjalimi falenderues i Grigjës në ceremoninë e “Gruaja e vitit”

Lajmi se Grigja u shpall “Gruaja e vitit” nga një shoqatë që promovon vlerat e respektit në shoqëri për gratë dhe prirjet e tyre seksuale, ishte lajmi më i rëndësishëm i 24 orëve të fundit. Në ceremoninë e marrjes së decorates, Grigja mbajti një fjalë, e cila preku shumë zemrat e fansave të saj.

“Të dashur miq.

Të dashur fansa të mi.

Do të desha t’iu drejtohesha si zakonisht me një videomesazh, por komoditeti i të folurit para mikrofonit është në invers me atë që do të kisha bërë po të isha në krevat para kamerës së kompjuterit.

Dua të them se këtë çmim ua dedikoj juve, që nuk më braktisët në asnjë moment, edhe kur beteja ime më e madhe e këtij viti, ajo për fitoren e Bashkisë së Durrësit u transformua në humbje. Edhe pse nuk u vodh, edhe pse nuk u blenë vota, u gjet një mekanizëm që ato të transformoheshin kundër meje.

Por, përtej atij ligji ende të panjohur të transformimit të votave kundër meje, keni rezistuar ju, që nuk ka fuqi t’iu kthejë kundër meje. Dhe ja ku jemi sot, me një sukses të ri, me një fitore që e meritonim së bashku, me këtë vlerësim që duke mu bërë mua, u bëhet gjithë grave të Shqipërisë, që luftojnë për aspiratat e mija.

Unë vërtet kam humbur një palë zgjedhe, por nuk kam humbur shansin të fitoj vlerësimin si “Gruaja e vitit”.

Se “Gra të vitit” nuk bëhen vetëm ato që fitojnë. Sic dihet, gratë që fitojnë i kanë fitoret në shumicë prej burrave që kanë pas. Dhe e kam këtë dhe nga përvoja të mia të hershme. Gratë që humbasin e kanë meritë të tyre. Dhe mua më vlerësojnë sot, si një grua pas të cilit nuk qëndron më asnjë burrë, por jam e vetmja që provoj të bëj diçka, pavarësisht se në fund gjërat transformohen.

Të dashur fansa të mi.

E di që mezi prisni të shkoj në shtëpi, të ulem para kamerës së laptopit dhe t’iu çoj një videomesazh, por unë ju ftoj të shikoni këtë fjalim dhe këtë video, ku unë po ju drejtohem direkt ju.

Nuk është vetëm vlerësimi si grua e vitit, por po të shikoni blogun e Fevzos, jam dhe femra me trup më të bukur nga politika shqiptare. Kjo është natyrisht një dhunti e Zotit, por që unë e kam transformuar në dhunti të PD-së dhe femrave të saj.

Pas meje ka një prirje për femra të bukura në PD, duke i dhënë fund femrave agresive si Topalli, apo femrave të politizuara si Bregu. PD po afron një brez të ri femrash që flasin pa droje jo vetëm për politikë, por dhe për seksin dhe me kë duhet ta bëjnë dhe pse nuk duhet të bien në dashuri me armikun.

Ju e dini se të gjithë jemi njerëz e mund të gabojmë, mund të kemi lidhje të gabuara, por politika është një mënyrë për t’u pastruar dhe për t’u bërë korrekte në këtë drejtim.

Unë e di se çmimi që më jepet mua sot, më jepet se përfaqësoj jo veten, por ju, në betejën time për ta bërë politikën më romantike, më sensuale dhe më idilike.

Të gjithë ju mbani mend Doktorim e egër, që çirret nëpër tribuna dhe mallkon kundërshtarët, kurse unë jam krenare që e kam bërë atë një burrë të butë, që më reciton mua “Eseninin” dhe flasim pa fund për poezitë erotike të tij dhe Hajnes. Është kjo asryeja përse një politikane që humbet me vota nga populli, fiton me vota nga një shoqatë titullin “Gruaja e vitit”.

E patë besoj se një gazetë jo aq dashamirëse, kishte botuar një foton time, duke folur para Kryesisë së PD, ku të gjithë shikonin të pasmet e mija. Mos u shqetësoni, nuk është ashtu siç duket. Është një mesazh i fortë që politika do bythë. Ndaj dhe e meritojmë këtë çmim.

E juaja, Grigja!”

Luli urdhëron Kunatin të mbajë nën vëzhgim deputetët

21:19 Antena

Respekti i Lulit për pleqtë, garanci për Doktorin

20:44 Antena

Karmina i përgjigjet Sadijes: Ku e pe korrupsionin ti mi?

20:56 Antena

Sandri i përgjigjet Doktorit për sulmet ndaj gazetarëve

20:38 Antena

Sikleti i Kunatit pas sulmeve mbi Fevzon

20:41 Antena

Jari shpjegon pse nuk ka letra të hapura gazetarësh, kundër festës së tij

19:44 Antena

Kunati heton gjithë arsyet pse Meta mbron Doktorin

20:24 Antena

Kunati i hutuar në përvjetorin e RD

21:26 Antena

Niko Lesi e pëson prej Toni Blair

18:47 Antena

Reagimet ndaj skeçit të “Stupcave” në Kosovë dhe Shqipëri

20:39 Antena