Te fundit
Kunati bën analizën pse LSI ishte më e fortë se PD në Kuvend
18 Dhjetor 2017, 18:19Antena
TEMA
Pas seancës parlamentare ku u hodhën bomba tymuese, u zhvillua mbledhja e përbashkët e grupeve parlamentare të opozitës.
Kunati u detyrua të bëjë analizën pse LSI ishte më agresive se PD në Kuvend.
Për të qetësuar situatën, ai ju drejtua vetë grupit parlamentar të PD-së, duke theksuar se situata në Kuvend u dominua nga LSI, dhe kjo nuk është mirë për PD, pasi duket sikur lufta në Kuvend ishte vetëm hall i Doktorit dhe LSI.
-Ju e patë zonjën Monika që mbeti pa çizme në Kuvend, tha Kunati, ndërsa disa zonja tona deputete, nuk hynë as brenda.
Kjo i dogji Gridës, e cila u ngrit të jepte shpjegime.
-Nëse e keni për mua, tha, duhet të më kishit përgatitur për këtë situatë.
Unë kisha veshur këpucë me taka të holla dhe të larta, pasi detyra e parë që na u ngarkua, ishte t’i shkelnim deputetët e PS me taka, kur të votonin.
Unë kisha afër Taulant Ballën dhe mendova që duhet t’i shkelja këmbën me majën e takës.
Por kur u afrova dhe mendova se po e shkelja fort, ai nuk po lëvizte dhe po i vinte qejf që ja kisha ngjit këmbën sipër.
Aty pashë që kisha shkel mbi një bluzë me lule dielli që kishte rënë poshtë, dhe jo mbi këmbën e Taulantit.
Pra, është thjeshtë çështje organizimi.
-Po kur e pe që Monika hoqi çizmen, pse nuk e hoqe dhe ti, ju drejtua Doktori?
-Kjo është pyetje me vend, por pa taka, unë ngjaj më e shkurtër se Albana dhe nuk dua të krijohet ky peceptim, pasi do hapnim një sherr të vjetër.
-Kam dhe unë një vërejtje, tha Muli.
Kur gratë deputete të LSI, u vodhën kartat deputetëve socialistë, asnjë nga gratë tona nuk lëvizi të bënte të njëjtën gjë.
Ne i kishim nda detyrat.
Unë me Doktorin do sulmonim Ramën, gratë do vidhnin kartat në rrëmujë.
-Unë u përpoqa, tha Albana, por ata sa më shikonin mua, e fusnin kartën në xhep dhe më thoshin fute dorën merre…
Me thënë të drejtën nuk e fusja dot, se më dukeshin shumë të eksituar.
-Kjo nuk e justifikon mefshtësinë tuaj, tha Kunati.
Sidoqoftë, tani e tutje veprimet duhet të jenë të koordinuara, dhe sidomos gratë e PD nuk duhet të mbeten pas grave të LSI, se na krijohet problem.
-Më vjen keq, tha Albana. Po Mona nuk është konkurrentja jonë, është e Lulit .
Luli të bëjë çfarë bën Mona, jo ne.
Ne do bëjmë çfarë bën Tit Vasili.
-I vetmi moment që ne jemi më radikalë se LSI, është propozimi i Doktorit për djegie mandatesh, dhe duhet ta diskutojmë këtu, tha Kunati.
-Unë jam kundër, tha Gonia i Vlorës. Unë kam paguar paratë për katër vjet.
-Mirë, ti s’ka problem, tha Kunati. Të tjerët.
-Edhe unë, tha deputetja e Durrësit.
-Ok, s’ka problem dhe për ty, po flas në tërësi, tha Kunati.
-Në tërësi unë mendoj që t’i djegim në mënyrë simbolike, tha Salianji. D.mth djegim disa mandate të vizatuara.
-Puna është që të kemi një epërsi mbi LSI, tha Kunati.
Se ata thonë i kemi marrë me gjak, ju thoni i kemi marrë me lekë. Dhe në këtë pikë duken më të avancuar.
1 komente në “Kunati bën analizën pse LSI ishte më e fortë se PD në Kuvend”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hajde deputete alabake qe ka parlamenti shqiptar,turp dhe faqja e zeze cilet jane perfaqesuesit e popullit katundar