Te fundit
Tani jam i qartë përse Meta flet kundër blerjes së votës!
10 Maj 2023, 18:43Editorial
Mero Baze
Edhe në këtë fushatë elektorale dy rastet e para të blerjes së votës apo kërcënimit me dhunë për të mos votuar i përkasin ish- LSI, e cila tani udhëheq zyrtarisht koalicionin opozitar. Dy persona tek zona e Freskut në Tiranë negociojnë hapur me zë të lartë në kafene, blerje votash, ndërsa në Memaliaj kandidati i Ilir Metës shoqërohet në prani të Tritan Shehut nga “të fortë” të zones, që kërcënojnë njerëz me mosmarrje pjesë në votime.
Këto janë vetëm dy raste të denoncuara në polici, ndërsa pas tyre fshihet gjithë metodologjia e fushatës së kësaj partie, që historikisht e ka bazuar rezultatin tek krimi dhe blerja e votës.
Sikur të mos mjaftonte kjo gjë, Ilir Meta është politikani që flet më shumë se të tjerët kundër blerjes së votave dhe kërcënimit të votuesve. E bën këtë çdo ditë pa pikë turpi, ndërsa në terren ka lëshuar gjithë banditët dhe blerësit e votës me para në dorë.
Në historinë e politikës shqiptare fatkeqësisht partitë që kanë futur kulturën e blerjes së votës janë partitë që synojnë të jenë faktor duke u rritur përmes blerjes së votës. Dy partitë e mëdha, Partia Socialiste dhe ish- Partia Demokratike, nuk është se kanë shpëtuar nga kjo sëmundje, por në tërësi kandidatët e tyre fokusohen tek mbështetja elektorale, se kanë pas parti të mëdha. Ata mund të përdorin sipas rastit privilegjet e pushtetit apo emrin e partisë, dhe shumë herë më pak blerjen e votës.
LSI ka qenë dhe mbetet partia emblematike e blerjes së votave. Në çdo zgjedhje ka gjithnjë histori të tilla që lidhen vetëm me të. Edhe në zgjedhjet e shkuara më 2021, militantë të kësaj partie janë dënuar për blerje votash apo deformim të rezultatit elektoral.
Duke ju rikthyer dhe një herë faktit që pse Ilir Meta është i vetmi që flet çdo ditë kundër blerjes së votës dhe përdorimit të krimit në fushatë, duke i bërë të dyja më shumë se kushdo tjetër, i vetmi shpjegim është se ai nuk do të humbasë ekskluzivitetin në këtë pikë.
Të gjithë mendojnë se ai ka vërtet shqetësim se nuk do të blihen vota apo të përdoren kriminelë, por në fakt me sa duket, ai do që askush, përveç tij, mos ta bëjë këtë punë.
Dhe nuk ka faj, është një shpikje origjinale e tij prej vitit 2001, kur shkatërroi procesin zgjedhor me para dhe banditë dhe nuk do t'ia marrë kush ekskluzivitetin e kësaj shpikje.
11 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Proverba : Bertete hajduti kspeni hajdutin ....
Hajduti gjithmone therret kapeni hajdutin.Kjo eshte motoja e PL qe kur formoje LSI.Tani ai nuk heq dot dore nga blerja e votave sepse ja u pa hajrin.Qeni po u mesua me mut,mut do te haje gjithmone thone andej nga Skrapari.
..... .biles Abas, po nuk gjeti te njome, e ha edhe te thatë !
Meta ka ankesa për çmimin ,jo për shitjen.
Rraseni brenda dhe kaq.
Po të ishte me këmbë në tokë nuk duhet ti harxhonte kot ato lekë. Rezultatin e di dhe duhet të bëjë pak kursime pasi edhe mbështetjen për fushatën e ka të ulët sepse askush nuk beson se do fitoje ndonjë bashki.
Lesh e lija si gjithmon... partia e skraparllinjve te inatosur... thosh ngahera tos nano
Nese jeni mire me kete qeverisje, mos u ankoni per asgje. Jemi me te lumturit ne bote. Rrofshin patronazhistet, qe e bene Shqiperine aq te lulezuar.
PoZites ne Shqipni dhe opoZites ne Kosove jau qift nonen Albin Gjergjkastriot Kurti.
Albinojevic turko boshnjaku ska lidhje me shqiptaret e vertete s'eshte as serb as shqiptar
Me fal pensionist;nuk jemi mire me kete qeveri sepse edhe i verbri e shikon,por frika na detyron dhe kemi frike se qahemi nga shiu dhe bjeme ne bresher.E ka pare keq ky brezi yne 92 -98 shkaterimet,vjedhjet,luften e 97 e te tjera qe kur i kujtojme na rrengjethet mishte.E shikon me cfar parrulle dalin keta:do prishim kete e do shkatrrojme ate.Kane ndryshuar thua ti.Jo.Eksperiencen e kane.Sa erdhi ne pushtet e prishi mbikalimin e zogit zi Luli dhe nxori inatin duke bertitur:Ja permora hunjte e gardhit Edi Rames.