Pushimet përrallore të Jarit në jahtin e Princit të Katarit

Një jaht i madh luksoz u parkua në portin e Sarandës. Princi i Katarit, i cili kishte mbërritur me jaht nga Greqia, vendosi të qëndrojë disa ditë në ujërat shqiptare. Dhe për këtë, vendosi të ftojë dikë nga krerët e shtetit shqiptar.

Pyeti për këtë çështje ambasadorin e tij.

-A mund ta ftojmë kryeministrin në jaht, i tha?

-Jo, i tha ambasadori, se ai me kamardare ishte në Dhërmi dhe u bë nami, pale të hipi në jaht.

-Po pse, çfarë kanë me jahtin këta, i tha Princi?

-Këta kanë zakone të këqija, i tha ambasadori. Një herë në katër vjet bëjnë zgjedhje dhe sherr. Nuk është si tek ne, që ka stabilitet. Plus kryeministri është në origjinë ortodoks, i pagëzuar në katolik, me grua myslimane. Nuk është i pastër.

-Po mirë, thërrasim kryetarin e parlamentit, i tha Princi.

-Ai është dhe më keq, është bektashi, i tha amabsadori. Ata janë të pafe fare. Sot kanë dhe festë, shkojnë në një majë mali dhe therrin qengja.

-Po mirë, presidentin a mund ta thërrasim?

-Atë po, i tha ambasadori. Ai përveçse nuk ka asnjë punë, ka vuajtur këtë verë, se i kanë zënë shezlogun 15 ditë në Dhërmi dhe ka pushuar rrugëve.

-Po ai nuk ka frikë nga zgjedhjet, i tha Princi?

-Jo, atë e emërojnë, i tha ambasadori.

Dhe kështu u bë. Sapo u njoftua, Presidenti u nis me urgjencë nga Tirana drejt Sarandës. Jahti madhështor qëndronte në hyrje të portit. Kamerat po filmonin.

-Zoti President, çfarë mund të na thoni për këtë shetitje me jaht, i tha një gazetar?

-Kjo është një leksion për politikën shqiptare dhe veçanërisht arrogancën e kryeministrit, që më zuri për 15 ditë vilën në Dhërmi, duke pushuar aty me Zahon dhe gruan e tij. Ky sulm i paprecedent ndaj institucioneve kushtetuese, ka ngjallur shqetësim në gjithë botën dhe falë këtij sensibilizmi, Princi i Katarit i la gjithë punët dhe u nis drejt Sarandës, për ta zbutur këtë situatë dhe për t’i treguar kryeministrit sePpresidenti nuk është vetëm, po ka miq në gjithë botën.

Unë e falenderoj për këtë shërbim që po na bën, pasi kjo është mes të tjerash një ndihmë për opozitën shqiptare, e cila nuk duhet të ndjehet e poshtëruar dhe as inferiore përballë pushtetit, por  të tregojë se dhe ajo di të bëjë pushime luksoze. Siç e ka thënë dhe miku im Kaç Islami, shqiptarët u dëshpëruan shumë nga pamjet e Metës në Jalë dhe Ramës në Dhërmi dhe ikën të gjithë jashtë shtetit. Shfaqja ime në këtë jaht luksoz do ta kthejë shpresën se Shqipëria do bëhet dhe unë kam besim se ata do të kthehen.

-Dhe një pyetje për Princin. Si iu duket Presidenti dhe a jeni takuar më parë?

-Jo, është hera  e parë që e takoj. Më duket si vëllai jonë. Ka një pamje si sirian dhe me mustaqe do të ngjante shumë me presidentin Al Bashar. Jam shumë i gëzuar që gjeti kohë mes punëve të shumta që ka dhe erdhi sapo e njoftova. Presidentët e tjerë duan t’i lutësh një vit para. Ky erdhi me një sms. I jam shumë mirënjohës.

Kunati i shkruan letër konfidenciale Associated Press

20:28 Antena

Reagime në Tiranë pas dorëheqjes së Cipras

20:19 Antena

Kunati interesohet për diagnozën e Mziut

19:59 Antena

Nishani i kërkon ndjesë Doktorit

20:28 Antena

Xhevahiret e shtypit në kohë plazhi

20:45 Antena

Nick Cullaku i propozon Kunatit formulën e re për 21 Janarin

19:20 Antena

Kunati udhëzime kundër përpjekjeve për të vjedhur opozitën

20:03 Antena

Kunati merr një raport sekret, për një takim të mundshëm Rama-Meta

20:59 Antena

Zeni, letërkëmbim me Bashkinë për taksën e kalit, qenit dhe tre maceve

18:46 Antena

Policia përgënjeshtron listën e kontrollit të gazetarëve të Agon

19:08 Antena