Kunati i shqetësuar për fotot e makinave të PD-së

Disa gazeta kanë botuar sot parkun e makinave të deputetëve të PD-së në SHQUP. Shumica e makinave janë të viteve të fundit, me çmim mbi 80 mijë euro. Fotot kanë shkatuar shumë komente online dhe gjithë pisllëkun e bëri Erion Veliaj, se bllokoi sheshin dhe Bulevardin, dhe ata u detyruan t’i parkojnë të gjithë makinat në oborrin e SHQUP-it. Pas kësaj, Kunati  filloi t’i pyesë një nga një pronarët e makinave, si mund të përgënjeshtrohej lajmi.

I pari është Doktori. Ai ka një Benz seria S, të vitit 2012, që kushton 100 mijë euro. Mori me takt Zenin në telefon dhe e pyeti sesi mund ta sqarojmë, që këtë Benz ia ke dhuruar ti.

-Unë ia kam dhuruar gjithnjë makinat babit, tha Zeni. Madje dhe atëherë që ka pas Benzin e blinduar të Mirit të Xhikes, në fakt unë ia dhashë, se ai ma dha mua.

-Po si ta shkruajmë këtu, nga  i ke të ardhurat ti, pyeti Kunati?

-Po shkruaje nga ndërmjetësime, atë kam pas si zanat deri më 2013. Tani marr vetëm të ardhurat nga bizneset.

Pas Zenit mori Topallin.

-Më duhet ta shkruaj këtu një deklaratë, i tha, se ku i ke gjet paratë me ble fuoristradën.

-Ku i kam gjet unë?! Po pse mar, mu gjete me pyet për një makinë të qelbët ti. Po aq pare ti i ke marr me gjysmën e  një leje ndërtimi, plehrë.

-Më fal,  se s’du të bëj sherr, por më duhet ta shkruaj se do bëjmë një deklaratë për shtyp.

-Shkruje mar, nga paret e pronave që kam marr.

Pastaj pyeti Ridvanin.

-Si ta shkruaj, ku i ke gjet paratë për Benzin S që ke blerë, se të ka dalë në gazeta?

-Po ku di unë o byrazer? Pyet Çimin, ai merret me makina. Unë thjesht e përdor.

-Po Çimi me se është marrë?

-Po Çimi me punët e mia është marrë, por ai e kishte detyrë të blinte makina.

Pastaj me radhë pyeti Imamin.

-Unë nuk e mbaj mend fare si e bleva, tha Imami. Thjesht ma lanë para shtëpisë. Më thanë e ke falas nga ne.

-Ça ishin ata?

-Ca çuna të mirë, merreshin me skrapin në ushtri.

Pastaj pyeti Ristanin,

-Ore si ta shënojmë këtu në deklaratë, si e ke blerë makinën që përdor?

-Po jo mo vëlla, unë ua mar hua disa miqëve të mi se kam qenë avokat i tyre. Bile dhe me atë dalë dhe jashtë.

-Përse janë dënuar ata?

-Po hiç o. Nja dy vrasje ka, por  i kam ndihmuar në gjyq.

Kunati nuk vazhdoi më. Llogariti vlerën e 7 makinave të para dhe kalonin 1 milion euro. Ishin shumë dhe nuk ia vlente të bëje as deklaratë. Vendosi të pyesë Rulin se si mund të bëhej në këto raste.

-Po ç’të të them unë djalo, i tha. Kemi dy muaj që i themi Tahirit pse i ka dhënë makinën e vet kushërinjëve. Tani mirë është që ne të gjejmë kushërinj që të deklarojnë që na kanë dhënë dhe neve makina, se ne parti e djathtë jemi. I kemi kushërinjtë të pasur.

Antena publikon fjalimin e saj në ditëlindjen e Filip Çakulit

21:00 Antena

Kunati analizon filozofinë e re të Doktorit, “pse demokrati nuk sulmon demokratin”

20:02 Antena

Kunati sherr me mollaxhijtë e Ridvanit

20:09 Antena

Disa probleme të padrejtësive që bëhen ndaj zyrtarve të lartë

20:53 Antena

Rrëfimi i Fevzos mbi konspiracionin e madh rus kundër Shqipërisë

18:41 Antena

Humor nga festa e kualifikimit të Kombëtares

18:25 Antena

Kaçi kopjon Antenën dhe arrin sukses

20:40 Antena

Kunati përgatit sulmin për humbjen e Kombëtares

20:41 Antena

Komentet më të spikatura pas ndeshjes me Serbinë

20:01 Antena

Kunati analizon dështimin e atentatit mbi autobusin serb

19:12 Antena