Kaçi kopjon Antenën dhe arrin sukses

Kaç Islami ka arritur sot një sukses të paparë në media, pasi mori një skenar të prodhuar nga rubrika jonë “Antena brenda Familjes” ditën e humbjes në Elbasan dhe e ktheu në platformë politike. Antena duke iu referuar deklaratave të personaliteteve kryesore pas humbjes me Serbinë, kishte prodhuar me humor dhe justifikimin e Mand Dukës, që thoshte se na duhen lekë për në Armeni, ndaj ia lamë Serbisë. Kaçi këtë e mori dhe e kishte tezë kryesore në shkrimin e sotëm për ekipin kombëtar.

Me këtë rast, Antena sot po ofron deklaratat e personaliteteve politike për fitoren në Armeni dhe ftojmë Kaçin t’i marrë një nga një dhe t’i bëjë shkrime.

Edi Rama: Tani jam më i qartë kush ka qenë tersi i kombëtares sonë. Nuk duhet luajtur më në Elbasan dhe nuk duhet parë më ndeshja tek oborri i Kryeministrisë. Sa i përket ngjyrave, shansin më të madh e kemi kur ekipi kundërshtar luan me të kuqe dhe ne me të zeza, ose të bardha. Pra më mirë ta quajmë kombëtarja bardhezi se kuqezi. Kot s’e hoqa të kuqen nga PS-ja, e bëra mavi.

Lulzim Basha: Fitorja në Armeni është sponsorizuar nga qeveria për të tërhequr vëmendjen nga situata e vështirë në jug të vendit dhe sidomos përmbytjet në Vlorë dhe Fier. Qeveria kërkon të zhurmojë situatën dramatike me ndeshje futbolli. Partia Demokratike bën thirrje, të ngrihemi një orë e më parë, sapo të ulen ujërat dhe ta përmbysim këtë qeveri.

Ilir Meta: Ekipi kishte nevojë për impulse të reja dhe duket që i mori ato para ndeshjes me Armeninë. Kjo bëri dhe që të arrije rezultat pozitiv dhe historik për Shqipërinë. Ndaj këmbëngulja e LSI-së për impulse të reja, e ka një objektiv. Nuk është fjalë e hedhur në erë.

Armando Duka: Ua thashë, vëreni pa frikë 2-sh skedinën se do fitonim, se unë nuk jam budalla që u premtova 2 milion euro premio futbollistëve. Unë s’i pres me gërshërë lekët. Falenderoj dhe lojtarët e Armenisë, pasi dhe ata na ndihmuan mjaft.

Sali Berisha: Qeveria që ka burgosur Ballist Morinën, tenton të përvetësojë fitoren e kombëtares, ndërkohë që autori i fitores po kalbet në qelitë e regjimit më diktatorial të Evropës. Ballist Morina duhet të jetë pjesë e delegacionit zyrtar shqiptar në Francë. Nëse kjo nuk ndodh, Partia Demokratike do t’i bëjë thirrje popullit të përmbysë qeverinë.

Supermbesa: Ça u bë mo, fituat ë. Eh keni gjet një kal të ngordhur në Armeni, pse sfitut me Serbinë pra, se sdini me lujt futboll, dini vetëm me rrah me grushta. Nejse unë svura skedinë fare se më mjafton 2 që vuri gjyshja me Serbinë.

De Biazi. Nuk dua të paragjykojë tifozët që thonë “O sa mirë me qenë shqiptar”, por di t’u them se s’ka më keq se të kesh të bësh me lojtarë shqiptarë. Gjithë bota ka një trajner dhe 11 lojtarë, ne kemi 11 trajnera në fushë dhe unë që vij vërdallë në pistë.

Genc Ruli: Ç’të të them djalo. Është hera e parë që mendoj se fitorja i përket tamam ekipit kuqezi, se një gol e shënuan të kuqtë, një gol të zinjtë dhe një gol gjysmë për gjysmë.

Shënim: Tani qe Kombetarja fitoi se ishte veshur me te zeza, ka kuptim te thuhet Kaci i Zi, parashikon kombetaren kuq e zi

Kunati përgatit sulmin për humbjen e Kombëtares

20:41 Antena

Komentet më të spikatura pas ndeshjes me Serbinë

20:01 Antena

Kunati analizon dështimin e atentatit mbi autobusin serb

19:12 Antena

Plas sherri në PD për tu distancuar nga Lymi

20:55 Antena

Kunati, vërejtje me paralajmërim Murrizit

20:16 Antena

Mjeku i Burrelit nën syrin e Kunatit

21:28 Antena

Raporti i Kunatit për analizën e zgjedhjeve

19:53 Antena

Kunati analizon deklaratën e Sadijes

18:51 Antena

Doktori shpjegon pse nuk votoi për hetim ndërkombëtar

19:44 Antena

Dilemat e Kunatit për raportet e Zenit me Ismailaj

19:14 Antena