Videomesazhi i fundit i Grigjës për tjetërsimin...

Pas humbjes së thellë në Durrës, duket se Grigja ka vendosur të kalojë situatën depresive në stilin e Call Center. Ajo ulet çdo natë para kompjuterit dhe bisedon me fansat e saj në stilin “Je vetëm…kërkon të flasësh me mua…rri para kompjuterit dhe flasim”.

Kështu, ajo ka bërë disa postime të fundit në rrjete sociale me këtë stil.

Ja postimi i saj i fundit, i cili flet rreth tjetërsimit në tërësi.

“Të dashur miq…Sot ishte një ditë shumë e keqe. Shiu dhe moti keqasocojnë në mënyrë perfekte me atë çfarë dhe politika ofron sot për ju, një braktisje dhe shpërfillje. E ndjen këtë kur je në krevat dhe aty poshtë ngrohtësisë së jorganit, ti ende nuk ke fuqi të vendosësh, nëse ja vlen ta lësh atë gjë të ngrohtë aty dhe të dalësh jashtë, apo të kthehesh në krahun tjetër. Në këtë sens e shikoj dhe sot apatizmin e opozitës dhe mbështjelljen e saj me jorgan. E përfytyroj Lulin çdo mëngjes poshtë jorganit të ngrohtë që hap sytë dhe mendon se çfarë do bëj sot. Kjo është një pyetje ekzistenciale për të. Ai përpiqet të sjellë në mendje kë do thërrasë në zyrë, kujt do t’i shkruajë deklaratën për shtyp, çfarë do thotë, si do ta presë Doktori këtë, a do flasë dhe ai vetë,…dhe dilema të tjera.

Ndërkohë që tek koka e krevatit i ofrohet çaji i ngrohtë i mëngjesit dhe një kafe, plus racionin e mëngjesit, ai e vuan këtë dilemë. Ka shumë punë deri tek ngrënia e mëngjesit dhe kafja. Ai duhet të çohet, të shkojë në dush, të pastrohet dhe të kthehet tek mëngjesi. Pastaj e pret puna…I sillen sërisht në mendje ato që duhet të bëjë. Përballë ka një qeveri shpirtkazëm, që ja bën çdo ditë e më të vështirë jetën.

I kuptoni dilemat e tij? I kuptoni dilemat e opozitës? Vihuni pak në vend të tij, përfytyrojeni veten poshtë jorganit ngrohtë në mëngjes, me dilemat e tij për t’u ngritur a jo? Është një dilemë njerëzore.

Unë them se atë dilemë e kemi të gjithë çdo mëngjes. Unë sot ndenja gjatë në krevat pasi sa herë që mendoja që ja vlente të ngrihesha, aq herë mendoja se punët më të mira që kam bërë, i kam bërë aty ku isha dhe nuk çohesha. Është një instikt që njeriu duhet të besojë në momente krizash. Kështu, duke u përsiatur rreth shanseve që ke për të prishur rehatinë tënde dhe për të dalë në rrugë për të tjerët dhe frikës se të tjerët nuk të kuptojnë dhe të braktisin, shpesh herë bindesh, që nuk ja vlen. Dhe kur fiton ajo ndjenjë, njeriu kthehet sërisht poshtë jorganit dhe përpiqet të përdorë ngrohtësinë që ka aty.

Të dashur fansat e mi.

E di që ky u duket një shpjegim intim, por ne jemi njerëz të gjallë dhe duhet t’i ilustrojmë idetë dhe vullnetin tonë me gjeste reale. Kjo që po përpiqem t’iu shpjegoj është një dilemë normale që ne kemi çdo ditë, që unë kam çdo ditë, që unë përballem me të qyshkurse votat as mu vodhën dhe as mu refuzuan të jepeshin, por mu tjetërsuan. Shumë vet nuk e kuptojnë këtë. Dhe u duket si lojë fjalësh, por në fakt është e thjeshtë të kuptohet, është si ajo dëshira që ti ke për t’u çuar nga krevati dhe ndërsa harxhon fuqi të ngrihesh, merr vendim të heqësh jorganin, shikon nga dera e dushit, shikon ku i ke shapkat dhe robenshanin, pra në një moment kur ti bën gjithçka që të ngrihesh, kur konsumon gjithë veprimet, befas të tërheq diçka poshtë jorganit dhe shtrihesh prapë. Ky është tjetërsim. Pra, nuk është se ti nuk u ngrite, se nuk e pe dushin dhe rrobat që do vishje… Ti i bëre të gjitha këto, por këto pastaj u tjetrësuan nga një vullnet tjetër, në diçka tjetër.

Nuk di sa e qartë isha miqtë e mi sonte për ju, por thjesht desha të ndaj me ju këtë impresion timin për tjetërsimin në tërësi dhe tjetërsimin e votave të mija në veçanti, që në këto momente vetmie me vret shumë. Faleminderit që ekzistoni dhe më prisni mua të flas me ju çdo natë”.

Peripecitë e Jarit dhe Atifetes në Samitin e Brionit

19:40 Antena

Policia dhe Bashkia sqarojnë kolapsin e trafikut në Tiranë

20:08 Antena

Si komentohet në Tiranë rrëzimi i avionit rus

19:39 Antena

Kunati hidhet në sulm pas problemeve me ujin në Bovillë

19:44 Antena

Ja tetë vendet ku dështuan sulmet e ISIS në Tiranë

19:06 Antena

Fevzo njofton për vendet dhe personat e rrezikuar nga terrorizmi në Tiranë

21:44 Antena

Kunati debaton i lehtësuar për heqjen e testit të drogës

21:21 Antena

Pse deputeti “Kaubojs” hoqi dorë nga makina e Al Paçinos

20:20 Antena

10 vajza nga Kosova i kërkojnë ndihmë Fevzos

18:59 Antena

Si e pritën politikanët “Alarmi”-n për bomb tek Xhamia

20:57 Antena