Te fundit
Kunati përplaset me demokratin Thërmija për antimitingun në Durrës
11 Korrik 2017, 19:39Antena
TEMA
Lajmi se kundërshtarët e Lulit do bëjnë takim në Durrës, për t’iu kërkuar demokratëve të ndalojnë farsën e zgjedhjeve në PD, e ka mobilizuar Kunatin.
Sot ai u nis në Durrës për të mobilizuar degën, kundër grupit armik.
Kunati vendosi që disa mbështetës të Lulit, të hyjnë në takimin e kundërshtarëve dhe kur ata të sulmojnë Lulin, ata të nxjerrin nga gjoksi portretin e Lulit me Trumpin dhe të bërtasin: Luli- Trampi, Luli – Trumpi…
Kjo do jetë shprehje e mbështetjes amerikane që Trumpi i jep Lulit për degën e Durrësit.
Demokrati Thërmija që po dëgjonte me vëmendje Kunatin, e ndërpreu.
-Shiko se unë kam pas punu në Pallat të Kulturës dhe bënim ushtrime për tingujt dhe rrokjet, tha Thërmija.
Kjo parrulla “Luli – Trampi”, “Luli –Trampi” në durrsakçe del “Luli- Trapi” dhe duket sikur e shajmë.
Duhet me gjetë noj gjë tjetër, se këtë e thotë gjithë Durrësi, s’ka nevojë me e thënë ne në degë të PD-së në Durrës.
-Po mire, sikur ta ndryshojmë, tha Kunati?
Të nxjerrim portretin e Lulit dhe Trump-in, po të thërrasin: “Demokrat, vrije frikën, Luli ka pas Amerikën…”
-Kjo e bukur është, por po të ishte për fushatë elektorale për të tremb Ed Ramën.
Se këta janë demokratë që vijnë, nuk tremben, tha Thërmija.
-Po duhet ta nxjerrim patjetër këtë foton me Trump-in, tha Kunati, për të treguar që Luli ka pas Amerikën.
-Ore djalë, ne kemi akoma shpresë se Amerika është me ne, tha demokrati Thërmija, e ndoshta na ndihmon të vijmë në pushtet, se po qeka me Lulin, na mori më qafë e paska nda mendjen me na lënë në opozitë.
Lini një Përgjigje
Më të lexuarat
24 oret e fundit
Javen e fundit
Blog Tema
