Sukseset e vitit për personazhet e Antenës

Sandri: Ndër personazhet e Antenës, Sandri meriton çmimin e parë të vitit 2015, me motivacionin për qëndrueshmëri dhe konseguencë në raportet me pushtetin. Në motivacionin e çmimit thuhet: “Përgjatë këtij viti, ka dëshmuar vullnet të fortë dhe guxim profesional, duke e detyruar kryeministrin të kthehet nga një armik i tij, në një shërbëtor të tij. Ai ka ngritur lart emrin e gazetarisë shqiptare, pasi deri më sot kritikët e akuzojnë median si shërbëtore të pushtetit, kurse Sandri e ketheu pushtetin në shërbëtor të tij.”

Kunati: Suksesi më i madh i Kunatit gjatë këtij viti ishte kalimi nga zyra e Bashkisë në zyrën e tij në SHQUP. Duke qenë se vjen nga një familje ushtarakësh, ëndrra e tij finale ka qenë që në fund SHQUP të ishte selia e tij e vërtetë. Pas ndryshimit të pushtetit në Bashkinë e Tiranës, ai ka mundur të marrë zyrën e tij tek SHQUP dhe ta detyrojë Doktorin të rrijë në zyrë private me qera, vetëm që të mos jetë afër tij. Atë që nuk e ka arritur dot askush në PD deri më sot, pra mbajtjen e Doktorit larg zyrave të PD, e ka realizuar vetëm Kunati.

Flamuri: Suksesi më i madh i Flamurit sivjet ka qenë leximi i librit “Vrima”, pas të cilit ka kuptuar se ka tërë jetën që shkruan poezi, po se ka kuptuar.

Jari: Sukesi më i rëndësishëm i këtij viti për Jarin, është se ka arritur të fusë gjithë shtetin në ankth, se kush e përgjon. Për ta kuptuar këtë, shteti filloi ta përgjojë Jarin që të marrë vesh kush e përgjonte. Kjo e qetësoi atë përfundimisht, pasi provoi që shteti po e përgjonte.

Koordinatorja për Marrëdhëniet seksuale në PD, si suksesin më të madh të këtij viti mban faktin që ka pasur vetëm 10 për qind flirte mes opozitës dhe pozitës sa i përket anës seksuale. Nga këto, vetëm dy përqind kanë qenë raporte fizike. Të tjerat vetëm shkelje syri apo pëlqime në distancë. Pas paralajmërimit të saj për t’u ndaluar me statut lidhja mes kundërshtarëve politik, ajo ka propozuar që një ekip psikologësh të marrë në pyetje fëmijët e çifteve të përziera, se më kë janë me partinë e mamit apo babit.

Doktori: Gjatë këtij viti suksesi më i madh i tij, është se ja kaluar përsëri Lulit në sondazhe. Problemi i tij është se dikur ka thënë që nuk i beson sondazhet dhe nuk di si ta tërheqë këtë fjali që ka thënë.

Deputeti 3K: Ka arritur kulmin e suksesit me idenë e konsorciumit për Jugun. Sipas tij, bashkitë e Jugut duhet t’i paguajnë konsorciumit 3K, një kuotë vjetore me të cilat ai do bëjë projekte të cilat do t’ua shesë bashkive dhe ato pastaj t’ia japin konsorciumit 3K për t’i zbatuar.

Fevzo: Suksesi më i madh i Fevzos gjatë këtij viti, është që ka arritur të formojë kampet e veta në të dy kampet. Sa i përket opozitës, ai është me Lulzim Bashën, por jo me Doktorin, dhe sa i përket qeverisë, ai është me Edi Ramën, por jo me Metën. Aq shumë ka investuar në këtë pikë, sa për pak u bë e besueshme që ai kishte takuar dhe Ramën me Bashën, kundër Metës dhe Berishës.

Grida: Ka arritur kulmin e saj me videomesazhin për elektoratin e vet. Me një pamje gjysëm erotike, e shkujdesur dhe plot spontanitet, Grida ka arritur sukses absolut, duke futur në krizë gjithë “Call Center” të tipit “Jam e vetmuar…a ka njeri në linjë”, të cilat deri më sot mbaheshin me të ardhura nga videomesazhet.

Armina: Ka pasur si sukses të saj triumfin që pati në betejën me Sadijen për ndarjen e gjësë së gjallë, pas divorcit. Sadija mori kalin dhe macen, Armina mori Zenin dhe qenin.

Disa përfundime pas darkës së Ramës me gazetarët

19:06 Antena

Dhjete ngjarjet e vitit për presidentin

19:30 Antena

Shpërthen përsëri Koordinatorja për Marrëdhënie Seksuale në PD

20:38 Antena

Vërshojnë protestat ndaj festës së Vitit të Ri organizuar nga Rama

18:32 Antena

Fevzo trondit Edi Ramën me historinë e lejeve të ndërtimit

19:07 Antena

Kunatit i dështon protesta kundër Lu

19:50 Antena

Kunati analizon analizat e Fevzos

19:22 Antena

Reagime të ashpra në PD ndaj çmimit për librin “Vrima”

21:09 Antena

Ngjarjet që tronditën javën

19:55 Antena

Kunati i shqetësuar nga thirrjet “Duam Babën”

19:07 Antena