Sonila e indinjuar me “Europën kurvë”

Sonila është indinjuar rëndë me punët e Europës dhe qëndrimin ndaj Shqipërisë.

Shkak është bërë qëndrimi i Brukselit pro hapjes së negociatave me Shqipërinë.

Kjo e ka tronditur rëndë Sonilën, e cila në një postim të saj jep opinionin e saj për “Europën kurvë”:

“Të dashur miq!

Është e kahershme një ndjenjë përpëlitëse, që fërgëllon në perceptimin shpresëplotë të idesë se ne do të katapultohemi diku aty tek ai vendi pas ylberit që quhet Europë, dhe kjo na krijon komfortin e të menduarit pozitivisht për situatën.

Por është adekuate të jemi koshientë, se ai vend që ne synojmë është sjellë ashtu siç i patën thënë etërit tanë themelues, si “Europa kurvë”.

Tani kam një pyetje për të gjithë ju që ngazëlleheni se mund të hyjmë në Europë.

Në cilën Europë do hyjmë?

Ju e  patë ç’bëri Europa kur nuk tha gjysëm fjale për kanabisin në Shqipëri dhe po të mos ishte zëri i fortë i djemve të Lazaratit, që u ndjenë të persekutuar nga konkurrenca kombëtare e rilindasve askush nuk kishte dijeni për atë që ndodhte.

Europa i la djemtë e Lazaratit rrugëve, sikur të mos ndodhte gjë.

Ju të gjithë e patë kur Europa jo vetëm heshti për padinë ndaj një prej milionerëve të saj italianë në Shqipëri, por dhe gjyqin në Europë kundër Shqipërisë, ja dha këtij vendi të mallkuar, dhe jo atij (ah e zeza unë!)

Si mund t’i dal para unë tani atij njeriu, kur vendi im i ka hequr nga dora 1 miliardë dollarë.

Si mund ta quaj fat unë që mes Europës dhe atij, të jem me Europën!

Kjo media kazan bën sikur gëzohet, pasi ishte e mërzitur kur ekzistonte një media profesionale, që ka lënë gjurmë në historinë  e këtij vendi, si media e tij.

Ende sot ju nuk keni mundur të bëni një emision si i imi, që u shkoja politikanëve pa komplekse aty ku ishin, në shtëpi, në vila, dhe flisja për jetën e tyre të bukur.

Kurse sot media merret vetëm me thashetheme ambasadorësh dhe ne profesionistët e vërtetë rrimë larg saj.

Sot pashë se Europa i mbylli të dy sytë për Shqipërinë dhe thotë se ëshët gati të hapen negociatat.

Atëhere të dashur miq, çfarë në duhet kjo Europë pa sy.

Ajo nuk është më aspiratë jonë, që na bën të këndëllehemi në avujt dehës të një bote, e cila për mua dhe shumë shqiptarë është përmbysur disa vite më pare, duke e ndarë historinë në dy pjesë dhe duke na bërë të ndjehemi dy palë.

Njëra pale me njerëz të ndershëm, që duam një Shqipëri që na mungon prej pes vitesh, dhe pjesa tjetër, një botë pa moral, që gëzohet se po na pranon Europa kurvë.

Unë s’do ta pranoja kurrë këtë”

Kunati i Lulit në luftë me kunatin e Saimirit

19:55 Antena

Disa komente rreth zgjedhjeve të Dukës dhe gjyqit të drejtorëve të rrugëve

19:47 Antena

Kunati flet per akuzat ndaj Andi Tomës per "Rrugën e Kobit"

19:55 Antena

Humor në ditët e qametit për Zenin, Kadillin dhe “RD”

21:01 Antena

Enno me dy në shpjegon pse e rrahën qytetarin tek “Pedonalia”

19:44 Antena

Humor i zi me bisedimet shqiptaro- greke

18:43 Antena

Gonia i Vlorës shpjegon votën pro aeroportit të Vlorës

18:51 Antena

Kunati, letër Trumpit: Të japim Jeruzalemin, na hiq qafe Donald Lu

21:05 Antena

Kunati shpjegon fitoren e opozitës në protestë!

19:59 Antena

Kunati analizon arsyet e dështimit të mitingut

20:45 Antena