Banorët e Lagunës i kthejnë përgjigje Sandrit

I dashur zullumqar i Lagunës Blu.

E morëm letrën tënde poshtë derës, ku na tregon se të takon të privatizosh terrenet sportive të fshatit dhe t’i kthesh në vila.

Ne, në shumicë nuk jemi biznesmenë, por qytetarë modestë, që kemi blerë nga një apartament modest këtu, nisur nga fakti që është një fshat i organizuar me kënde pushimi, park me pisha dhe mjedise sportive. Tani, ti përdore Berishën për të zaptuar tokën dhe për të ndryshuar planin urbanistik të fshatit dhe Ramën për të marrë  dhe rimarrë lejen. Për këtë arsye ne nuk jemi në garë me ty, sesi mund të zhvatësh një vend, duke u bërë fresk kryeministrave dhe  të  na akuzosh se nuk na e ke borxh që ngrihemi kundër teje.

Tani, që ti mendon se ke të drejtë të na zaptosh territorin e fshatit, po të numërojmë dhe ne arsyet përse nuk të kemi borxh të jesh banor i fshatit tonë.

E para, nuk ta kemi borxh që për shkak të imazhit tënd si gjobëvënës pushtetesh dhe bythëlëpirës kryeministrash, të na quajnë të gjithëve hajdut dhe batakçinj, vetëm se të kemi ty komshi.

E dyta, duke qenë injorant dhe i pacipë, nuk ta kemi borxh të na quajnë të gjithëve katundarë të një fshati turistik.

E treta, duke qenë se je harbut dhe ke zaptuar prej dhjetë vitesh një rrugë publike në fshat, nuk ta kemi borxh të vritemi për një gardh, sikur të jemi në Zejmen dhe jo në një fshat turistik.

E katërta, duke qenë se në këto mjedise kemi investuar të rriten fëmijë të shëndetshëm, nuk ta kemi borxh që na keni futur dhe drogën si produkt në fshat dhe na keni telendisur fëmijët, pasi në një rajon policie figurojnë disa fëmijë nga fshati ynë, të ndaluar nga policia për përdorim droge. Këtë nuk kemi për të ta falur gjatë.

E pesta, meqë në këtë fshat ka në shumicë njerëz të matur dhe me edukatë, por nuk mungojnë as të fortët, nëse ti dëshiron, nuk ta kemi borxh të shfaqemi në publik si njerëz që do të zbojmë me hu në dorë nga fshati.

E gjashta, meqë në këtë fshat ka disa ish-ministra dhe vet kryetari i opozitës, si dhe disa ministra aktualë, nuk ta kemi borxh të na sjellësh sherret dhe gjobat e tua politike, në një vend që e kemi blerë për të pushuar.

E shtata, meqë  je i vendosur të vazhdosh të ndërtosh duke pasur krahët e ngrohta nga qeveria aktuale, nuk ta kemi borxh, që siç na ke terrorizuar për tetë vjet rresht, ku në çdo dy fjalë e treta ishte “Doktori”, tani të dëgjojmë në çdo dy fjalë, e treta “Edi Rama”. Mund ta ndërtosh si çdo gjë që ke bërë pa leje. Mos e prish traditën tani në fund.

E teta, meqë mendon se mund të na kërcënosh të ikim nga shtëpitë tona nëse bëjmë fjalë për zpatimin e tokës nga ana jote, nuk ta kemi borxh të na kujtosh të ndjerin gjyqtar Konomi, i cili ndërroi jetë kur ndërroi dhe kufiri i tokës së tij në Lalëz.

E nënta, meqë e ke zaptuar token, ke bërë dhe letrat nuk ta kem borxh të na kujtosh se ne jemi familja Hysa në Kinostudio, që i ke marr pronat dhe ata rrinë rrugëve. Ne do na kesh këtu për ta ta nxirrë jetën.

Dhe e dhjeta, ty Sandër nuk ta kemi borxh të na prishësh gjakun duke na u mburrur tetë vite si i djathtë e tetë vite si i majtë. Ti nuk  je as i majtë, as i djathtë, je thjesht katundar. Dhe s’ke punë me ne.

Sandri u dërgon letër banorëve të Lagunës: "Të dashur ziliqarë..."

19:34 Antena

Ja si e justifikon gjykata pse Sandrit i takon toka tek Laguna

20:46 Antena

Sandri prishet edhe me Doktorin

19:58 Antena

Sandri ankohet tek Doktori për Lulin..

19:58 Antena

Kunati i shqetësuar nga sulmi i Supermbesës ndaj Gretës

21:09 Antena

Gratë parlamentare sulmojnë Nard Ndokën

20:51 Antena

Deputeti 3K hedh një hap përpara në demokracinë e brendshme

20:03 Antena

Deputeti 3K jep udhëzime për tu lejuar kritikat në parti

18:38 Antena

Deputeti 3K i shkruan Lubonjës: “Mos ik...!”

19:30 Antena

Kunati përgjigjet për pasurinë 1 milionë euro të Lulit në Holandë

20:05 Antena