Te fundit
Grigja dhe Salianusi zëvendësojnë festat e Doktorit me festat e tyre
16 Mars 2018, 19:03Antena
TEMA
Grida dhe Salianusi vendosën të marrin iniciativën të heqin 20 shkurtin si ditë e përkujtimit të viktimave të komunizmit.
Kishin kohë që e mendonin.
Pas sherrit që Grigja ka pasur me Doktorin kur e quajti koleg, po mendon seriozisht si të distancohet prej tij.
Një nga këto gjëra është distancimi nga festat që ka caktuar Doktori.
-Ne po e reformojmë tërësisht PD-në, i tha Grigja, Salianusit.
Kemi ndërruar Kryesinë, Këshillin Kombëtar, kemi ndryshuar konceptin e punës, mënyrën si komunikojmë e shumë gjëra të tjera.
Ka ardhur koha të heqim dhe festat që na ka caktuar Doktori.
Duhet të caktojmë festat tona.
-Ke të drejtë, tha Salianusi.
Vetëm duhet bërë kujdes, se demokratët janë mësuar ta bëjnë pushim 20 shkurtin.
-Ne duhet të japim dy datat tona, tha Grigja.
Ose 18 shkurtin, ditën kur ngritëm çadrën dhe nisëm “Republikën e re”, ose 26 shkurtin, ditën kur në çadër fola unë për herë të parë.
-Më mirë 26 shkurtin se ajo mbahet mend, tha Salianusi.
Bile atë javë u formulua dhe “Republika e re”.
Mendoj se është shumë mirë 26 shkurti.
Kështu u vendos.
Grigja u ul dhe bëri gati relacionin për 26 shkurtin si “Dita e përkujtimit të viktimave të komunizmit”.
E bëri projektligjin dhe ja çoi profesor Spahos.
-Më vjen keq, i tha Spaho, nuk mund të heqim një festë që e ka caktuar Doktori dhe ta çojmë në datën 26, vetëm se ke fol ti në çadër.
Çfarë lidhje ka e folura jote në çadër dhe “Republika e re” me viktimat e regjimit komunist.
-Ka, i tha Grigja, dhe është shumë e thellë.
Duhet ta kuptosh ti dhe kushdo tjetër, se viktima më e madhe e regjimit komunist në Shqipëri ishte çadra jonë.
Komunizmi e vrau çadrën tonë edhe 25 vite pas rënies së tij.
Ndaj ne duhet të përkujtojmë këtë gjë.
-Po po të jetë kështu, e lëmë më 18 maj, i tha Spaho, kur u bë “Marrëveshja”, se ajo na mori më qafë, jo më 26 shkurt!
-Jo, se dhe atë do ta zëvendësojmë, i tha Grigja, por mendojmë që me 18 majin të dublojmë përkujtimin e “Marrëveshjes së Mukjes”.
Të mbarojmë punë me këtë njëherë.
Ndërkohë që Grigja dhe Salianusi ranë dakord për projektligjin, Spaho foli me Doktorin dhe sqaroi situatën.
-Si do bëjmë, i tha Grigja? Firmat i mblodhëm, duhet depozituar si projektligj.
-Më vjen keq, i tha Spaho. Fola me Doktorin dhe më tha që ky është projekt i vjetër i Edi Ramës, për t’u harruar që Enver Hoxhën e hoqëm zvarrë.
-Po ti a i tregove që është projekt i joni? Që është ideja e kolegëve, imja…?
-Patjetër që i thashë, dhe ai më tha: Po të thashë mor zotëri, që është ide e Edi Ramës!
1 komente në “Grigja dhe Salianusi zëvendësojnë festat e Doktorit me festat e tyre”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mire kryesine dhe kshillin kombetar I ndrrove,P.O. saliun e Viçidolit akoma di ta mbani?Sa te jete ai ne PD partia juaj do fitoj te Noc Rrikut.